“Teatr kórkem óneri”
🎭Ózbekstan Respublikası Joqarı attestaciya komissiyası hám Ózbekstan mámleketlik konservatoriyası Nókis filialı Keńesiniń usınısına bola, kóp jıllar dawamında teatr kórkem óneriniń rawajlanıwına tınımsız xızmet etip kiyatırǵan, dóretiwshilik izlenisleri, ustazlıq mektebi hám saxnadaǵı pidayılıǵı menen el húrmetine erisken Mamutov Paraxat Allambergen ulı “Teatr kórkem óneri” baǵdarı boyınsha docent ilimiy ataǵına ılayıq dep tabıldı.
Paraxat Allambergen ulı saxnadaǵı tınımsız miyneti, jas áwladqa berip atırǵan sabaqları hám teatr kórkem ónerine bolǵan sheksiz muhabbatı menen keń jámiyetshiliktiń itibarına erisken dóretiwshilerden biri bolıp esaplanadı. Onıń jıllar dawamında arttırǵan tájiriybesi, ózine tán kórkem ónerge degen kózqarası hám pedagogikalıq jumısı teatr jámáátiniń rawajlanıwına úlken úles qosıp kelmekte.
Bul húrmetli ilimiy ataq Ózbekstan mámleketlik konservatoriyası Nókis filialı direktorı R.Allanbaev tárepinen saltanatlı túrde tapsırıldı. Bul kórkem óner ǵayratkeriniń uzaq jıllar dawamında islegen miynetine berilgen múnásip baha, onıń saxna kórkem ónerine qosqan úlken úlesiniń ayqın dálili boldı.
Bul ataq Paraxat Allambergen ulınıń dóretiwshilik jolında jańa shıńlarģa jol ashıp, keleshektegi jumısında jáne de joqarı tabıslar hám ilham dáregi bolıp xızmet etiwi sózsiz.
