#Itibar_2025

Paytaxtımızdaġı Qaraqalpaq mámleketlik jas tamashagóyler teatrında «Itibar-2025» sıylıǵın tapsırıwǵa arnalǵan saltanatlı ilaj ótkerildi.

Onda Qaraqalpaqstan Respublikası Joqarǵı Keńesi Baslıǵınıń orınbasarı R.Nurazizov, Qaraqalpaqstan Respublikası Shańaraq hám hayal-qızlar komiteti baslıġı M.Axmedovalar sózge shıġıp, elimizdiń sociallıq-ekonomikalıq hám jámiyetlik-siyasiy turmısında belsendilik kórsetken, xalqımızdıń abadan turmısın támiyinlew jolında nátiyjeli jumıs alıp barıp atırǵan hayal-qızlarımızdıń xızmetleri bahalanıp, olarǵa «Itibar-2025» sıylıǵı tapsırıldı.

Ilajda Ózbekstan mámleketlik filarmoniyası Qaraqalpaqstan Respublikası bóliminiń qosıqshısı Gawxar Saytova “Jıldıń eń belsendi mádeniyat xızmetkeri” nominaciyası menen sıylıqlandı.

Ilaj elimizge belgili kórkem óner sheberleriniń atqarıwındaǵı koncert baǵdarlaması menen dawam etti.

Ministrliktiń málimleme xızmeti