Қарақалапқ мәмлекетлик Жас тамашагөйлер театрында «Дәўир дәрти» спектаклиниӊ премьерасы болып өтти.

Қарақалпақстан Республикасы Мәденият министрлиги ҳәм «Жайҳун илҳәмлары» мәмлекетлик емес коммерциялық емес шөлкеми менен биргеликте таярланған спектакль Қарақалпақстан Республикасы Жоқарғы Кеӊеси жанындағы мәмлекетлик емес коммерциялық емес шөлкемлерди ҳәм пуқаралық жәмийетиниӊ басқа да институтларын қоллап-қуўатлаў Жәмийетлик фондыныӊ грант бағдарламасы жәрдеминде сахна жүзин көрди.

Бүгинги дәўир машқаласына айланған дәмегөйлик, коррупция деген қәўипли иллеттиӊ алдын алыўға бағышланған спектакльдиӊ сценарий авторы Байжан Узақов, сахналастырыўшы режиссёры Марс Нуратдинов.
Спектакльде Қарақалпақ мәмлекетлик Жас тамашагөйлер театрыныӊ талантлы актёрлары өз рольлерин табыслы атқарып шықты.
Премьераға Қарақалпақстан Республикасы Жоқарғы Кеӊесиниӊ комитет баслығы Т.Романов қатнасты.