Татарстан

Дөретиўшилик байланыс

Казан мәмлекетлик мәденият институтында Қарақалпақ мәмлекетлик Жас тамашагөйлер театры директоры Байрам Айтмуратов ҳәм Казан мәмлекетлик Жас тамашагөйлер театры директоры Ильнур Гайниевлар ортасында өз-ара бирге ислесиў, дөретиўшилик байланысларды беккемлеў бойынша меморандум имзаланды.

Буннан соң қарақалпақстанлы театр дөретиўшилери тәрепинен татар драматургы Т.Минуллинниң «Дилафрузға төрт ашық» спектакли қойып берилди. Спектакль тамашагөйлерде айрықша тәсир қалдырды.

Казанда өткерилип атырған үлкен фестиваль шеңберинде театрымыз жәмәәтиниң дөретиўшилик сапары сәтли болды. Казан мәмлекетлик Жас тамашагөйлер театры менен дүзген меморандумымыз шеңберинде алдағы ўақытта дөретиўшилик режелерди әмелге асырыўды мақсет еткенбиз,-дейди Б.Айтмуратов.

Министрликтиң мәлимлеме хызмети