8-mart-Xalıqaralıq hayal-qızlar kúni

Húrmetli watanlaslar, mehriban analar, qımbatlı hayal-qızlar!
Bársheńizdi jańalanıw hám jasarıw paslınıń gózzal áyyamı 8-mart-Xalıqaralıq hayal-qızlar kúni menen qızǵın qutlıqlayman.

Elimizdiń hár bir tarawında  pidayılıq penen miynet etip atırǵan hayal-qızlarımız qatarında mádeniyat hám kórkem óner tarawında jumıs alıp barıp, waqıt penen sanaspay xalqımızǵa xızmet etip atırǵan hayal-qızlarımızdıń da ornı ayrıqsha ekenligi bizdi quwandıradı.

Jaratılıs tımsalı, ómir mazmunı, mehir hám muhabbat dáregi bolǵan hayal-qızlar qızlar! Sizlerdi jáne bir márte bayram menen qutlıqlap, shańaraqlarıńızǵa amanlıq, bekkem densawlıq, jumıslarıńızda tabıslar tileymen. Ómirińizdiń hár bir kúni quwanısh hám shadlıqlarǵa tolı bolsın!

Begisbay Temirbaev,
Qaraqalpaqstan Respublikası Mádeniyat ministri