Қәдирли баспасөз ҳәм ғалаба хабар қураллары хызметкерлери!

Қәдирли баспасөз ҳәм ғалаба хабар қураллары хызметкерлери!

Сизлерди 27-июнь-Баспасөз ҳәм ғалаба хабар қураллары хызметкерлери күни –кәсиплик байрамыӊыз бенен шын жүректен қутлықлайман.

Соӊғы жыллары мәмлекетимизде жүз берип атырған тарийхый өзгерислер нәтийжесинде ғалаба хабар қураллары еркин пикир минберине, халқымыз мәплериниӊ белсенди қорғаўшысына айланды. Мәмлекетимизде ашық-айдынлықты тәмийинлеўде, халыққа тез ҳәм қалыс мәлимлеме жеткериўде, елимиздиң ҳәрбир тараўында жүз берип атырған жаңалықларды кең жәмийетшиликке жеткериўде ғалаба хабар қураллары хызметкерлериниң тутқан орны айрықша.

Қәдирли дослар!
Және бир мәрте сиз әзизлерди, заман менен ҳәмнәпес қәдем таслап атырған мәмлекетимиз төртинши ҳәкимиятыныӊ мүнәсип ўәкиллерин, миллий журналистикамыздыӊ жанкүйерлерин бүгинги кәсиплик байрамыӊыз бенен шын жүректен қутлықлап, дөретиўшилигиӊизге бәлент пәрўаз тилеймен.

Бегисбай Темирбаев
Қарақалпақстан Республикасы Мәденият министри