Xosh xabar

Xabarıńız bar biyil Xorezm wálayatında IV Xalıqaralıq baqsıshılıq kórkem óneri festivalı bolıp ótedi.
Festival aldınan «Baqsı, aqın hám jıraw atqarıwshıları»nıń respublikalıq tańlawı bolıp ótti. Usı tańlawda Ózbekstan mámleketlik kórkem óner hám mádeniyat institutı Nókis filialı magistrantı Seytimbetov Quwanıshbay ekinshi orın, sonday-aq, Nókis qánigelestirilgen mádeniyat mektebiniń muġallimi Jumatova Miyassar úshinshi orındı iyelep, Xiywada ótkiziletuġın IV Xalıqaralıq baqsıshılıq kórkem óneri festivalına jollama aldı.
Sonday-aq, festivalda belsene qatnasqanı ushın Moyanov Iqlasbay «Eń bilimli baqsı», Jamalov Aybek «Eń jaqsı aqın atqarıwshı» nominaciyaları boyınsha sıylıqlandı.